Աշխատանք դասարանում
Հորթը
Օրը թեքվում է դեպի մայրամուտ,
Հովերն են խաղում ձորալանջն ի վար,
Երկարում են խիտ ստվերներն անփույթ
Եվ կամաց-կամաց խառնվում իրար:
Մի հորթ է նստել թեք ձորալանջին,
Թփերում կորած կածանի վրա,
Կարծես քանդակված մի տերև լինի
Մոր լեզվի հետքը ճակատին նրա:
Խոնավ սևահողն իր խոնավ դնչին,
Թփի տակ նստել, որոճում է լուռ…
Մասրենու մի ոստ կպել է պոչին
Եվ թվում է, թե էլ չի պոկվելու:
Ականջի մեկը կախել է մի քիչ,
Իսկ մեկով ինչ-որ ձայներ է որսում,
Կախ ականջի տակ, կիսախուփ աչքից
Արցունքի բարակ առուն է հոսում:
Կանաչ փրփուր է կաթում շրթունքից,
Եվ կանաչել է լեզուն բերանում…
Իսկ աչքից բխած առվի ակունքին
Մի ճանճ է իջել ու չի հեռանում:
Մորթն է թրթռում, երբ ճոճվող թփի
Տերևը հանկարծ քսվում է նրան,
Եվ թրթռում է մորթի հետ նրբին՝
Ծաղկած մասրենու ստվերը վրան…
Հորովելներ են ոլորվում դաշտին,
Սարերի վրա գառներ են մայում…
Մանկության աչքեր, դուք եք այդ հորթին
Մասրենիների արանքից նայում:
Հարցեր և առաջադրանքներ՝
- Բառերը էլ. բառարանի օգնությամբ բացատրի՛ր:
Ձորալանջ-Ձորը եզերող լեռան լանջ,
անփույթ-Անհոգ,անուշադիր,
կածան-Ոտքի նեղ ճանապարհ,
որոճալ-Կերածը բերանը ետ բերելով կրկին ծամելով մանրացնել ու կուլ տալ,
հորովել-Վարելիս երգվող երգ, որի մեջ կրկնվում Է <<հորովել>> բառն իբրև հանգերգ:
- Նկարագրի՛ր հորթին ըստ բանաստեղծության:
Հորթը նստած էր ձորալանջին: Նրա ճակատի վրա սպիտակ խալ կար, բերանից փրփուի էր կաթում, իսկ աչքից էլ արցունք էր հոսում: Հորթի լեզուն բերանում կանաչել էր ու ճանճը չէր հեռանում դեմքից: Նրա մի ականջը կախվել էր, իսկ մյուսով որսում էր շրջապատի ձայները: - Նկարագրի՛ր հորթին շրջապատող բնությունը:
Մայրամուտ էր: Թեք ձորալանջիվրա իրար էին խառնվում ստվերները: Մասրենու թփերում կորած մի նեղ կածան է երևում: Սարերի վրա գառներ են մայում: - Բացատրի՛ր հետևյալ փոխաբերությունները՝
ա. Հովերն են խաղում ձորալանջն ի վար…
Հովերը փչում են ձորալանջի երկայնքով:
բ. Հորովելներ են ոլորվում դաշտին…
Դաշտերում հնչում է հորովելը: - Բանաստեղծության մեջ արտահայտված զգացումը մեկ բառով ինչպես կանվանես:
Խաղաղություն:
6. Տեքստի բոլոր գոյականները դարձրու հոգնակի:
Օր – օրեր
Մայրամուտ – մայրամուտներ
Ձորալանջ – Ձորանալջեր
Հորթ – հորթեր
Կածան – կածաններ
Տերև – տերևներ
Հետք – հետքեր
Լեզու – լեզուներ
Սևահող – Սևահողեր
Դունչ – դնչեր
Թուփ – թփեր
Մասրենի – մասրենիներ
Պոչ – Պոչեր
Ականջ – Ականջներ
Ձայն – Ձայներ
Աչք – Աչքեր
Արցունք – Արցունքներ
Առու – Առուներ
Փռփուռ -փռփուռներ
Ակունք – Ակունքներ
Ճանճ – Ճանճեր
Մորթի – Մորթիներ
Ստվեր – Ստվերներ
Դաշտ – Դաշտերը
Լրացուցիչ աշխատանք (տանը)
Ընթերցել Հարուկի Մուրակամի ,,Է՜հ, բախտս չի բերում,, պատմվածքը:
Մանվելյան Շուշան 