Շատ մարդիկ մտածում են ապագայի մասին։ Մտածում են՝ ինչ կկատարվի հետո, ինչպիսի կյանք կունենան, ինչ աշխատանք, տուն կամ ընտանիք։ Բայց երբեմն մոռանում ենք մի կարևոր բան՝ ապագան մենք ենք ստեղծում հենց այսօր։
Այո՛, այն սկսվում է հիմա՝ մեր ընտրություններով, մեր մտքերով ու մեր գործողություններով։ Եթե այսօր սովորում ենք, ընթերցում ենք կամ օգնում ենք ուրիշներին, ապա վաղը կունենանք լավ արդյունքներ։ Եթե այսօր ծուլանում ենք կամ վատ ենք վարվում մարդկանց հետ, ապագայում դժվար կլինի։
Յուրաքանչյուր օր հնարավորություն է՝ քայլ անել դեպի լավ ապագա։ Մենք կարող ենք այսօր լինել բարի, աշխատասեր, ընկերասեր։ Դա կփոխի ոչ միայն մեր կյանքը, այլ նաև շրջապատի մարդկանց կյանքը։
Ես ուզում եմ ապագայում լինել ուժեղ, կրթված ու հաջողակ մարդ։ Այդ պատճառով ես հիմա պետք է կարդամ, սովորեմ, լսեմ ծնողներիս ու ուսուցիչներիս։ Կարևոր է ոչ միայն երազել, այլ նաև գործել այսօր։
Երբեք ուշ չէ սկսել։ Եթե ուզում ես լավ ապագա, մի սպասիր վաղվան։ Սկսի՛ր այսօր։ Ապագան հենց այսօր է։
Մանվելյան Շուշան 