Մթնաձոր

08.05. 2025

Աշխատանք դասարանում

Կարդա՛ Բակունցի ,,Մթնաձոր,, պատմվածքը և պատասխանի՛ր հարցերին։ 
Առաջադրանքներ

Անծանոթ բառերը դուրս գրի՛ր, բառարանի օգնությամբ բացատրի՛ր: 
թավուտ – խիտ, անանցանելի անտառ կամ թփուտ

խլեզ – մողես

կոկարդ – զինվորական գլխարկի վրայի նշան, շքանշանաձև մեդալ

դունչ – կենդանու քիթ ու բերան հատվածը

թառամ – չորացած, ուժը կորցրած

Նկարագրի՛ր Մթնաձորի բնությունը, կենդանական աշխարհը: 
Մթնաձորը բնութագրվում է որպես խիտ, վայրի և մարդաշատությունից հեռու անտառային տարածք։ Այնտեղ ծառերը փտում են, նորերը աճում, անտառը լի է կենդանիներով՝ արջերով, գայլերով, խլեզներով, վարազներով։ Կենդանիները իրենց բնական միջավայրում են՝ ազատ, անկաշկանդ։ Գիշերները գայլերի ոռնոց է լսվում, վարազները փորում են հողը, արջերը պարում են։ Բնությունը խորհրդավոր ու մռայլ է, բայց կենդանի։
 
Բնութագրի՛ր Պանինին, ի՞նչ էին պատմում նրա մասին, ինչպիսի՞ն էր նա իրականում: 
Պանինը անտառապահ էր։ Նրա մասին շրջանառվում էին պատմություններ, թե սպանել է կնոջը, նստել է բանտում, ունի կատաղի շներ և դաժան մարդ է։ Սակայն իրականում նա այլ մարդ էր՝ լուռ, մի քիչ մռայլ, բայց արդար ու հարգալից։ Նա պաշտպանում էր անտառը, սիրում էր իր գործը և չէր վախենում վտանգից։ Հնարավոր է՝ մարդիկ չափազանցրել էին նրա պատմությունը՝ վախեցած արտաքին տեսքից կամ շների պատճառով։

Ավու հետ պատահածի համար ո՞ւմ կամ ի՞նչն ես մեղավոր համարում: 

Ավու հետ պատահածի մեղքը առաջին հերթին իր վրա է։ Նա ագահություն դրսևորեց, ուզեց խուսափել տուգանքից՝ առանց թույլտվության փայտ կտրելու համար։ Նրա նպատակն էր որսալ գազան՝ Պանինին միս տալու փոխարեն փայտահատման թույլտվություն ստանալու համար։ Նա անտեսեց վտանգը և վերջնական արդյունքում վտագեց իր կյանքը։ Այսինքն՝ պատահածի գլխավոր պատճառը իր սխալ որոշումն էր, բայց կարելի է նաև ասել, որ աղքատությունն ու կարիքը նրան մղեցին այդ քայլին։