Ների՛ր, դու էլ կատարյալ չես
Մարդիկ սխալվում են։ Դու էլ ես սխալվել։ Բայց չէ՞ որ կյանքը մի մեծ դպրոց է։ Ով մի քիչ ավելի է ապրել, մի քիչ էլ ավելի է սխալվել։
Երբ մեկը վիրավորում է քեզ, չես ուզում ներել։ Սիրտդ ցավում է, նեղանում ես, երբեմն նույնիսկ ուզում ես վրեժ լուծել։ Բայց կանգ առ մի պահ։ Նայի՛ր ինքդ քեզ։ Դու էլ ես երբեմն սխալ խոսել, սխալ գործել։ Գուցե մեկին ակամայից ցավ ես պատճառել։ Ու ուզել ես, որ քեզ հասկանան։
Ներել՝ նշանակում է հասկանալ։ Ոչ թե մոռանալ, ոչ թե արդարացնել։ Ուղղակի ասել՝ «Դու էլ մարդ ես, ինչպես ես»։
Երբ ներում ես, մի բան է փոխվում ոչ թե ուրիշի, այլ հենց քո մեջ։ Սիրտդ դառնում է ավելի թեթև։ Մտքերդ՝ ավելի պարզ։
Ների՛ր։ Դու էլ կատարյալ չես։
Մանվելյան Շուշան 