Լրացուցիչ աշխատանք (տանը)

Կարդա՛ Վ․ Սարոյանի ,,Հանճարը,, ստեղծագործությունը և գրավոր պատասխանի՛ր հարցերին։ 
Առաջադրանքներ

1. Ի՞նչ է նշանակում ,,հանճար,, բառը։ Ո՞ր դեպքում կօգտագործես այդ բառը։ 
Հանճար նշանակում է շատ խելացի, տաղանդավոր և ստեղծագործ մարդ
Այս բառը կօգտագործեմ, երբ խոսեմ որևէ մարդու մասին, ով մեծ հաջողությունների է հասել իր գործի մեջ կամ ունի բացառիկ մտքեր։

2. Ի՞նչ իմաստով է այստեղ ,,հանճար,, բառն օգտագործում Սարոյանը։ 
Սարոյանը հանճար բառը օգտագործում է երիտասարդի ստեղծագործական հմտությունները և պատմություններ հորինելու կարողությունը գնահատելու համար։ Նա համոզված է, որ այդ երիտասարդը կարող է լավ գրել, եթե աշխատի։

3. Բնութագրի՛ր երիտասարդ հանճարին։ 
Երիտասարդը հանճարեղ պատմությունների հեղինակ է, բայց աշխատավայրում ծանր աշխատանքի պատճառով հոգնած է ու չի կարողանում գրել։ Նա ստեղծագործելու մեծ ցանկություն ունի, բայց ժամանակ չի գտնում, նաև մի քիչ ինքնավստահ է և հավատում է իր պատմություններին։ Նա վարպետ է հետաքրքիր ու դրամատիկ սցենարներ ստեղծելու գործում։

4. Ըստ այս ստեղծագործության բնութագրի՛ր հեղինակին։ 
Հեղինակն անձնական է, բանաստեղծական և լավ վերաբերվում է գրականությանը։ Նա հարգանքով է մոտենում ստեղծագործող մարդուն և գիտակցում է ստեղծագործական բարդությունները։ Նա նաև անկեղծ է՝ իր զգացմունքներն ու մտորումները բացահայտ արտահայտում է։

5. Ի՞նչ կարծիքի ես երիտասարդի սցենարի վերաբերյալ։ 
Երիտասարդի սցենարը հետաքրքիր է, դրամատիկ, լի է գործողություններով, սիրով ու կոնֆլիկտներով։ Այն շատ լավ հիմք է ֆիլմի համար, բայց նման պատմությունները հաճախ կիսատ են մնում, որովհետև հեղինակները կամ դադարեցնում են գրելը, կամ չեն հավատում իրենց հաջողությանը։

6. Ի՞նչ է ասում Սարոյանը ֆիլմերի մասին, գրի՛ր քո կարծիքը ժամանակակից ֆիլմերի մասին՝ կարևորելով սցենարային առանձնահատկությունները։ 
Սարոյանը ասում է, որ շատ ֆիլմեր վատ են, որովհետև նրանց ստեղծողները չեն կարում լավ սցենար ստեղծել։ Ֆիլմերի հաջողությունը մեծապես կախված է սցենարից, որում պետք է լինի նորարարություն, հետաքրքիր ու միտքավոր հորինվածք։
Իմ կարծիքը՝ ժամանակակից ֆիլմերի մեծ մասը սցենարային լավ հիմք ունի, բայց նաև կան շատ ֆիլմեր, որտեղ սցենարը թույլ է, և դա ազդում է ֆիլմի որակի վրա։ Սցենարն է ֆիլմի հոգին, դրա պատճառով է, ֆիլմը լավը։ Հետևաբար, լավ սցենար գրելն առաջնային է։

7. Ո՞րն է հեղինակի ասելիքը։ 
Հեղինակի ասելիքը՝ ստեղծագործական աշխատանքը դժվար է, պահանջում է հետևողականություն և ջանք։ Հանճարն ինքնին բավարար չէ, պետք է նաև գրելու սովորություն և համբերություն։ Բացի այդ, իրական կյանքի պատմությունները շատ հետաքրքիր են և պետք է դրանք լսել ու գրել, որովհետև հենց դրանցով կարելի է ստեղծել հոյակապ արվեստ։