Չմուշկների պատմությունը
Չմուշկները մարդու կողմից ստեղծված ամենահին սպորտային պարագաներից են։ Դրանք առաջացել են մոտ 4000–5000 տարի առաջ։ Առաջին չմուշկները պատրաստված էին կենդանիների ոսկորներից և օգտագործվում էին հիմնականում հյուսիսային երկրներում՝ սառցապատ տարածքներում արագ տեղաշարժվելու համար։
Հին ժամանակներում մարդիկ ոսկորե չմուշկները կապում էին իրենց կոշիկներին և սառույցի վրա սահում՝ փայտե ձողերի օգնությամբ։ Սա նրանց օգնում էր ավելի հեշտ որս անել և ճանապարհ անցնել ձմռանը։
Միջնադարում, հատկապես Եվրոպայում, չմուշկները սկսեցին պատրաստել մետաղից։ Սա սահքը դարձրեց ավելի արագ և հարմար։ Այդ ժամանակ չմուշկներով սահելը սկսեց օգտագործվել ոչ միայն որպես անհրաժեշտություն, այլ նաև որպես ժամանց։
19-րդ դարում չմուշկները զարգացան և դարձան ավելի անվտանգ ու հարմարավետ։ Ստեղծվեցին տարբեր տեսակներ՝ գեղասահքի, հոկեյի և արագասահքի համար։ Այդ ժամանակից չմուշկներով սահելը դարձավ սպորտ։
Այսօր չմուշկները լայն տարածում ունեն ամբողջ աշխարհում։ Դրանք օգտագործվում են ինչպես սպորտում, այնպես էլ զվարճանքի համար։ Չմուշկներով սահելը համարվում է գեղեցիկ, հետաքրքիր և օգտակար մարզաձև։
Մանվելյան Շուշան 