Category: Հայոց լեզու 9

Գարունը տարվա ամենասիրուն ու բարի տարվա եղանակն է: Երբ ձմեռը հեռանում է, ամեն ինչ սկսում է փոխվել: Ձյունը հալվում է, և երկիրը կարծես արթնանում է երկար քնից:

Առաջինը զարթնում են ծաղիկները: Ձնծաղիկը բացում է իր գլուխը ու մեզ հուշում, որ արդեն տաք է լինելու: Ծառերը սկսում են բողբոջել, իսկ հետո ծաղկում են սպիտակ ու վարդագույն գույներով: Թռչունները վերադառնում են տաք երկրներից ու իրենց երգով ուրախացնում բոլորին: Օդը դառնում է թարմ ու մաքուր:

Գարնան հետ մարդկանց տրամադրությունն էլ է փոխվում: Մենք ավելի շատ ենք ժպտում ու սիրում ենք երկար զբոսնել դրսում: Գարունը մեզ հույս է տալիս, որ ամեն ինչ լավ է լինելու: Այն նման է մի նոր էջի, որը մենք սկսում ենք գրել ավելի ուրախ ու պայծառ գույներով:

Ինձ համար գարունը լույսի ու ջերմության տոն է: Այն սովորեցնում է, որ կյանքը միշտ շարունակվում է և ամեն ինչ կարող է նորից ծաղկել:

Պարույր Սևակ – «Մենք քիչ ենք, սակայն մեզ հայ են ասում»

Այս բանաստեղծությունում Սևակը խոսում է հայ ժողովրդի ինքնության և ուժի մասին։ Նա ասում է, որ հայերը թվով քիչ են, բայց ունեն մեծ պատմություն, մշակույթ և ուժեղ ոգի։

Բանաստեղծը հպարտությամբ է ներկայացնում հայ ժողովրդին։ Նա ցույց է տալիս, որ հայերը անցել են շատ դժվարությունների միջով, բայց չեն կորցրել իրենց լեզուն, մշակույթը և հայրենիքի նկատմամբ սերը։

Բանաստեղծության հիմնական գաղափարն այն է, որ ժողովրդի ուժը ոչ թե թվի մեջ է, այլ նրա հոգու, պատմության և միասնության մեջ։

Սիլվա Կապուտիկյան – «Լսիր, որդիս»

Այս բանաստեղծությունը մայրական խորհուրդ է։ Կապուտիկյանը իր խոսքը ուղղում է որդուն և նրան հորդորում է սիրել և պահպանել իր մայրենի լեզուն։

Բանաստեղծուհին ցույց է տալիս, որ լեզուն ժողովրդի ամենակարևոր արժեքներից մեկն է։ Եթե ժողովուրդը կորցնի իր լեզուն, ապա կարող է կորցնել նաև իր ինքնությունը և մշակույթը։

Բանաստեղծության մեջ կա մեծ սեր հայրենիքի և հայերեն լեզվի նկատմամբ։ Մոր կերպարը այստեղ ներկայացված է որպես իմաստուն մարդ, ով իր երեխային տալիս է կյանքի կարևոր խորհուրդ։

Բանաստեղծության հիմնական գաղափարն այն է, որ մարդը պետք է միշտ սիրի և պահպանի իր մայրենի լեզուն և հայրենի մշակույթը։

Մի հին ավանդություն կա հիմար գեղջուկի մասին, որին ուղարկում են կալվածատիրոջ տուն։ Տերը նրան ոչ միայն ներս է հրավիրում, այլև ապուր է առաջարկում, բայց հենց գեղջուկը ձեռքն է առնում  գդալը, տեսնում է, որ մի փոքրիկ օձ է լողում ափսեի մեջ։ Տիրոջը չվիրավորելու համար համենայն դեպս ուտում է ապուրը, իսկ մի քանի օր անց ծանր հիվանդանում է և ստիպված է լինում նորից գնալ տիրոջ տուն։ 

Տերը նորից նրան ներս է կանչում, ամենափոքր գավաթով դեղ պատրաստում, ապա տալիս գեղջուկին, ու հենց որ գեղջուկն ուզում է կում անել, նորից մի փոքրիկ օձ է տեսնում գավաթի մեջ։ Այս անգամ որոշում է չլռել և բարձրաձայն դժգոհում է, որ հենց օձի պատճառով է հիվանդացել նախորդ անգամ։ Տերը ծիծաղում է ու մատը տնկում առաստաղին, որից մի մեծ աղեղ էր կախված։

-Դու գավաթում ոչ թե օձ ես տեսնում, այլ աղեղի արտացոլումը,- ասում է նա,- ոչ մի օձ էլ չկա։ 

Գեղջուկը նորից նայում է գավաթի մեջ․ իհարկե, այնտեղ՝ գավաթի ներսում,  ոչ մի օձ էլ չկար, սովորական արտացոլանք էր։ Այդպես էլ առանց դեղը խմելու դուրս է գալիս կալվածատիրոջ տնից ու հաջորդ օրը կատարելապես առողջանում։ 

Մեր կամ շրջապատի վերաբերյալ սահմանափակ հայացքներն ու համոզմունքներն ընդունելով՝ մենք կուլ ենք տալիս երևակայական օձը։ Եվ այն միշտ իրական է, մինչև չհամոզվենք հակառակում։ 

1. Գեղջուկին բնութագրելիս հեղինակը ո՞ր բառն է օգտագործել։ 

հիմար

2. Գրի՛ր գավաթ բառի հոմանիշը։ 

բաժակ

3. Դո՛ւրս գրիր մեկ անորոշ դերանուն։ 

մի քանի

4. Տերը նորից նրան ներս է կանչում, փոքրիկ գավաթով դեղ պատրաստում, ապա տալիս գեղջուկին, ու հենց որ գեղջուկն ուզում է կում անել, նորից մի փոքրիկ օձ է տեսնում գավաթի մեջ։

Քանի՞ պարզ նախադասությունից է կազմված։ 

5

5. Այդ օրերին քաղաքն ապրում էր Շառլ Ազնավուրով։  Ի՞նչ պաշտոն է ունի Շառլ Ազնավուրով բառը։ 

միջոցի անուղակի խնդիր

6.  Դո՛ւրս գրիր բարդ բառ։ 

կալվածատեր

7.Նախադասության անդամներից որի՞ շարահյուսական վերլուծության մեջ սխալ կա։ 

Մի հին ավանդություն կա հիմար գեղջուկի մասին, որին ուղարկում են կալվածատիրոջ տուն։

հին- որոշիչ

գեղջուկի մասին- միջոցի անուղղակի խնդիր

որին- ենթակա

ուղարկում են -ստորոգյալ

8. Դո՛ւրս գրիր կապ։ 

մինչև

9. Ինչո՞ւ գեղջուկը կերավ ապուրը։ 

Տիրոջը չվիրավորելու համար:

10. Տեքստի ո՞ր բառը կարող է նշանակել հայացք /ոչ ուղիղ իմաստով/ ։ 

համոզմունք

11. Դո՛ւրս գրիր ան արտաքին հոլովման ենթարկվող բառը։ 

հիվանդանում

12. Դո՛ւրս գրիր բացահայտիչ։ 

գավաթի ներսում

13. Դո՛ւրս գրիր մեկ մակբայ։ 

ծանր հիվանդանալ

14. Դո՛ւրս գրիր գերադրական աստիճանով դրված ածականը։ 

ամենափոքր

15. Դո՛ւրս գրիր զուգադիր շաղկապը։ 

ոչ միայն ներս է հրավիրում, այլև ապուր է առաջարկում

16.   Հիմար գեղջուկը նորից նայում է գավաթի մեջ․ իհարկե, այնտեղ՝ գավաթի ներսում,  ոչ մի օձ էլ չկար, սովորական արտացոլանք էր։

Դո՛ւրս գրիր որոշիչը։ 

հիմար, սովորական

02.03.2026

Աշխատանք դասարանում 

1. Լրացնել բաց թողնված տառերը։ 

Երդիկ, երդվյալ, անդադար, որթատունկ /դ-թ/, ատաղձագործ, անձկություն, խուրձ, մրցույթ /ձ-ց/ , խոչնդոտ, լուսնկա, հուժկու, դժխուհի։ 

2. Ճշտի’ր հատուկ անունների գրությունը։ 

Ցլիկ ամրամ, բյուզանդական կայսրություն, դավթակ քերթող, հակոբ մեղապարտ, արտեմիսի տաճար, լյուքսենբուրգի մեծ դքսություն, վազգեն կաթողիկոս, գարեգին նժդեհ։ 
Ցլիկ Ամրամ (պատմական անուն-մականուն, երկու բաղադրիչն էլ գրվում է մեծատառով)

Բյուզանդական կայսրություն (պետությունների անունների միայն առաջին բաղադրիչն է գրվում մեծատառով, եթե հաջորդող բառը հատուկ անուն չէ)

Դավթակ Քերթող (անունը և պատվանունը/մականունը գրվում են մեծատառով)

Հակոբ Մեղապարտ (անունը և մականունը գրվում են մեծատառով)

Արտեմիսի տաճար (կառույցների, հուշարձանների անունների միայն առաջին բաղադրիչն է գրվում մեծատառով)

Լյուքսեմբուրգի Մեծ Դքսություն (պետության պաշտոնական բաղադրյալ անվան բոլոր բաղադրիչները, բացի կապերից, գրվում են մեծատառով)

Վազգեն կաթողիկոս (կաթողիկոս, թագավոր, նախագահ և նման տիտղոսները/պաշտոնները գրվում են փոքրատառով, եթե չեն հանդիսանում հատուկ անվան մաս)

Գարեգին Նժդեհ (անունը և ազգանունը/մականունը գրվում են մեծատառով)

3. Յուրաքանչյուր բառի դիմաց գրի՛ր տառերի և հնչյունների քանակը։ 

Մկան-4 տառ, 5 հնչյուն, գեղեցկություն-11 տառ, 11հնչյուն, սաղավարտ-8 տառ, 8 հնչյուն , անարև-5 տառ, 6 հնչյուն, վերջնագիր- 9տառ, 9հնչյուն, խմբվել 6տառ, 7հնչյուն ։

4. Վերականգնե՛ք արմատները և նշե՛ք տեղի ունեցած հնչյունափոխությունը։ 

Պատմագետ-արմատն է պատում, ում-ը դարձել է ը (սղվել է),
հանրամատչելի-արմատն է մատույց, ույ երկհնչյունը դարձել է ը (սղվել է),
ճտքակոշիկ-արմատն է ճիտք, ի հնչյունը դարձել է ը ,
խորհրդատվություն-արմատներն են խորհուրդ և տալ։ Ուր երկհնչյունը դարձել է ը (սղվել է), իսկ ալ-ը դարձել է վ։,
ծաղկեփունջ-արմատն է ծաղիկ, ի հնչյունը դարձել է ը,
տեսչական-արմատն է տեսուչ, ու հնչյունը դարձել է ը,
առվեզր-արմատն է առու, ու հնչյունը դարձել է վ։

5. Ճշտի՛ր տրված թվականների գրությունը։

Հազարմեկ-Հազար մեկ , երորդ-Երրորդ, չորորդ-Չորրորդ, մեկերորդ-, ութանասուն-Ութսուն, վեցերրորդ-Վեցերորդ , քսանիննը-քսանինը, մեկ-երկրորդ-Մեկ երկրորդ։ 

6. Տրված նախադասություններում ընդգծի՛ր փոխաբերությունները։ 

Ձմռան շունչն ամենուր էր, և օդում թևածում էր սառնություն։ 

Ծառը տնքում էր հասած մրգերի ծանրությունից։ 

7. Տրված են դերանուններ, յուրաքանչյուրի դիմաց գրի՛ր, թե որ տեսակին են պատկանում։ 

Ես, իրար, ամենայն, ողջ, այստեղ, սա,բոլորը, ոչ ոք, ինչքան, համայն, որևէ ։ 
Ես — անձնական
իրար — փոխադարձ
ամենայն — որոշյալ
ողջ — որոշյալ
այստեղ — ցուցական
սա — ցուցական
բոլորը — որոշյալ
ոչ ոք — ժխտական
ինչքան — հարցական (կամ հարաբերական՝ կախված համատեքստից)
համայն — որոշյալ
որևէ — անորոշ

8. Տրված բառերը բառակազմորեն վերլուծի՛ր, ո՞ր արմատները կարող են գործածվել առանձին։ 

Գրատախտակ-գիր, տախտակ
մտամոլոր-միտք, մոլոր,
անընդունակ-ընդունակ,
հազարավոր-հազար,
երգչախումբ-երգ, խումբ,
մարդամոտ-մարդ, մոտ։ 

9. Տրված են նախադասություններ, յուրաքանչյուրի դիմաց գրի կազմությունը /պարզ, բարդ համադասական, բարդ ստորադասական/։ 

Ավարտելով աշխատանքը՝ Արմանը օգնականներին խնդրեց իրեն մենակ թողնել։Պարզ

Ընդարձակ սրահի կորնթարդ կամարների տակ հանկարծ շողարձակեցին Զևսի աչքերը, և մարմարյա հատակն ու պատերը երերացին ցնցումից։Բարդ համադասական

Սրահում փռված էին մի քանի նախագծեր, որ նա արել էր մի քանի օր առաջ։Բարդ ստորադասական

Մենք երախտապարտ ենք բժշկին, որովհետև նրա ջանքերը փրկեցին աղջկան։ Բարդ ստորադասական

10. Ո՞րն է տրված նախադասության քերականական և տրամաբանական ճիշտ շարունակությունը։ 

Կռվում էր ամենքի հետ, բոլորին ծույլ էր անվանում,․․․․

ա․ և իր մասին մեծ կարծիք ուներ։

բ․ բայց ինքն ամբողջ կյանքում բացարձակապես ոչինչ չէր կատարել։ 

գ․ համոզված էր, որ աշխարհում միայն ծույլեր կան։

դ․ ցույց տալով չարվածը։ 

11. Նախադասությունից դո՛ւրս գրիր մակդիրները։ 

Պարսից շահը իր գոռոզ ոտքի տակ խոնարհում էր Հռոմը։ 
Մակդիր՝ գոռոզ (բնորոշում է ոտքը՝ ընդգծելով շահի հպարտությունն ու ուժը)։

Իշխանը իր ոխերիմ աչքերով նայում էր դեպի սևազգեստ գերիները։ 
Մակդիրներ՝ ոխերիմ, սևազգեստ (բնորոշում են աչքերի վիճակը և գերիների արտաքին տեսքը)։

12. Կետադրի՛ր նախադասությունները։ 

Ու թվացել է ձյունն է մեղավոր որ մորմոքդ ծանրացել է փակվել են դեպի անուրջներ տանող ճանապարհները։

Ճարտարապետի մտքի թռիչքը աշխարհականներին ապշեցնում էր իր ճշգրտությամբ տաճարի արտաքինը իր շքեղությամբ։ 

Ինչու է կյանքը հաճախ այնպիսի չար խաղեր խաղում որ մտածելիս մարդու սրտի մեջ արյունն է պաղում։ 

Ու թվացել է՝ ձյունն է մեղավոր, որ մորմոքդ ծանրացել է, փակվել են դեպի անուրջներ տանող ճանապարհները:

Ճարտարապետի մտքի թռիչքը աշխարհականներին ապշեցնում էր իր ճշգրտությամբ, տաճարի արտաքինը՝ իր շքեղությամբ։

Ինչո՞ւ է կյանքը հաճախ այնպիսի չար խաղեր խաղում, որ մտածելիս մարդու սրտի մեջ արյունն է պաղում:

13. Նախադասությունները դասավորի՛ր տրամաբանական ճիշտ հաջորդականությամբ։ 

1. Դժբախտաբար ,,մարաթոնը,, ուժասպառ արեց նրան։

2. Մի հույն զինվոր Մարաթոնից վազելով գնաց Աթենք՝ բարի լուրը քաղաքացիներին հայտնելու։

3. Ք․ ա․ 490 թվին հույները հաղթեցին Մարաթոնում տեղի ունեցած ճակատամարտում, որն Աթենքից մոտ 42 կմ հեռու էր գտնվում։

4. Խեղճ մարդը հաղթանակի լուրը հայտնելուց հետո գետնին տապալվեց ու մեռավ։ 

3. Ք․ ա․ 490 թվին հույները հաղթեցին Մարաթոնում տեղի ունեցած ճակատամարտում, որն Աթենքից մոտ 42 կմ հեռու էր գտնվում։

2. Մի հույն զինվոր Մարաթոնից վազելով գնաց Աթենք՝ բարի լուրը քաղաքացիներին հայտնելու։

4. Խեղճ մարդը հաղթանակի լուրը հայտնելուց հետո գետնին տապալվեց ու մեռավ։

1. Դժբախտաբար «մարաթոնը» ուժասպառ արեց նրան։

14. Գտի՛ր նախադասության մեջ թույլ տված բառակազմության սխալը։ 

Իմ հաջողությունների համար ես պարտավոր եմ իմ ծնողներին։ 
պարտավոր եմ—պարտական եմ

15. Գտի՛ր նախադասության մեջ թույլ տված քերականական սխալը։ 

Երիտասարդը երկար ու հիացած նայում էր Սարյանի նկարների վրա։ 
նկարների վրա—նկարներին

16. Տրված բառերը տեղադրի՛ր բաց թողնված տեղերում՝ ենթարկելով համապատասխան փոփոխությունների։ 

Անծանոթ մարդկանց ներս գալը ․․․․ անչափ ․․․․․․․․ ․ չիմացավ՝ արդյոք սունկը ․․․․․ կրակի վրա և վազի մոր ․․․․․, թե սունկն էլ հետը տանի։ 

թողնել, տղա, հետև, զարմանալ

Անծանոթ մարդկանց ներս գալը տղային անչափ զարմացրեց. չիմացավ՝ արդյոք սունկը թողնի կրակի վրա և վազի մոր հետևից, թե սունկն էլ հետը տանի։

Հրաշք — Ռ. Ջ. Պալասիո

Գիրքը պատմում է Օգի Փուլմանի մասին, որը ծնվել է արտասովոր դեմքի հատկություններով։ Մինչ դպրոց հաճախելը նա սովորել է տանը՝ ծնողների և քրոջ աջակցությամբ։ Երբ նա սկսում է սովորել դպրոցում, պարզվում է, որ երեխաների մեծ մասը վախենում է կամ խուսափում նրանից, քանի որ նրանց համար Օգին «այլատիպ» է։

Սկզբում Օգին զգում է միայնություն, վախ և անորոշություն, բայց աստիճանաբար նրա անկեղծությունն ու բարությունը ստիպում են մյուսներին ճանաչել նրան և ընդունել։ Նա ձեռք է բերում նոր ընկերներ, իսկ իր ընտանիքի աջակցությունն օգնում է դիմագրավել դժվարություններին։

Գիրքը ցույց է տալիս ոչ միայն Օգիի պայքարը ու հաջողությունները, այլ նաև նրա ընտանիքի, ընկերների և դպրոցի համայնքի զգացումները։ Կարդալիս երևում է, թե ինչպես մարդիկ սովորում են հասկացողություն և կարեկցանք։

Գլխավոր գաղափարն այն է, որ չպետք է դատել մարդկանց արտաքինով կամ տարբերություններով։ Պետք է լինել բարի, հարգալից և ընկերասեր։ Գիրքը սովորեցնում է, որ ընկերությունը, համբերությունը և կարեկցանքը կարող են հաղթահարել վախը և դժվարությունները։

21.աշխուժություն
22.Տաք աղբյուր
23.կերկերալ
24.աչքը մտցնել

25.սրբվել
26.լավ-վատ
27.զույգերս
28.վերաբերական
29.հասկանալ

30.ամենաթույլ
31.ուզած
32.ձևի պարագա
33.9
34.էր բարձրահասակ /խումբ էր/ զորավար էր
35.-Իսկ քեզ ո՞վ ասաց՝ խմբի ղեկավարը դու ես։

Անհատական նախագծի վերնագիր՝ Կարդում ենք ժամանակակից գրականություն

Ժամանակահատված՝ Շուրջտարվա

Նպատակ՝ Ժամանակակից գրականության ընթերցման միջոցով զարգացնել ընթերցողական հմտությունները, ընդլայնել բառապաշարը, ծանոթանալ տարբեր հեղինակների ստեղծագործություններին և ձևավորել վերլուծական մտածողություն։

Եթե ես մնամ — Գեյլ Ֆորման

Կաճ բովանդակություն

Ստեղծագործության գլխավոր հերոսուհին՝ Միա անունով աղջիկը, ծանր ավտովթարից հետո հայտնվում է հիվանդանոցում։ Նրա մարմինը անգիտակից վիճակում է, սակայն հոգևոր տեսանկյունից նա կարծես «դիտում է» կատարվածը կողքից։ Մի պահի նա հասկանում է, որ կանգնած է ընտրության առաջ՝ մնալ և շարունակել ապրել, թե հրաժարվել կյանքից։ Նրա որոշումը պայմանավորված է ոչ միայն ցավով, այլ նաև սիրով, հիշողություններով և ապագայի հնարավորություններով։

Վերլուծություն

Այս ստեղծագործությունը առաջին հերթին կյանքի արժեքի մասին է։ Հեղինակը ցույց է տալիս, որ կյանքը երբեմն լի է ցավով և դժվարություններով, բայց այն նաև լի է սիրով, երաժշտությամբ, ընտանիքով ու երազանքներով։ Միայի հիշողությունները՝ կապված ընտանիքի, ընկերների և սիրելիի հետ, օգնում են հասկանալ, թե ինչն է իրականում կարևոր մարդու համար։

Գրքում կարևոր տեղ ունի նաև սիրո թեման։ Սերը ներկայացվում է ոչ միայն որպես ռոմանտիկ զգացում, այլ որպես ուժ, որը կարող է պահել մարդուն կյանքի հետ կապված։ Միայի ներքին պայքարը ցույց է տալիս, որ սերը կարող է դառնալ հույսի աղբյուր նույնիսկ ամենադժվար պահին։

Մյուս կարևոր գաղափարը ընտրության պատասխանատվությունն է։ Թեև իրավիճակը ողբերգական է, հեղինակը շեշտում է, որ որոշումը պետք է լինի անձնական և գիտակցված։ Այս միտքը սովորեցնում է, որ մարդու կյանքը մեծ արժեք ունի, և յուրաքանչյուր որոշում ձևավորում է նրա ապագան։

Ընդհանուր առմամբ, գիրքը հուզիչ և մտածելու տեղիք տվող պատմություն է, որը հիշեցնում է՝ պետք է գնահատել յուրաքանչյուր օրը և մարդկանց, ովքեր մեր կողքին են։

Բառարանագրություն․ լեզվի պահպանումն ու զարգացումը

Լեզուն ժողովրդի ամենամեծ արժեքներից է։ Եթե մենք չենք պահպանում մեր լեզուն, ժամանակի ընթացքում այն աղքատանում է։ Այդ պատճառով մեծ դեր ունի բառարանագրությունը՝ բառարաններ կազմելու և զարգացնելու աշխատանքը։ Հայ ժողովրդի պատմության մեջ այս գործում մեծ ներդրում է ունեցել Մխիթար Սեբաստացին։

Մխիթար Սեբաստացու հիմնական նպատակը հայերենը պահպանելն ու զարգացնելն էր։ Նրա ստեղծած բառարանները օգնեցին, որպեսզի հին բառերը չկորչեն, լեզուն դառնա ավելի կանոնավոր և հասկանալի, իսկ տարբեր ձևերով գրված բառերը միասնական ձև ստանան։ Նրա աշխատանքը շատ դժվար էր, քանի որ այն ժամանակ չկային համակարգիչներ, ինտերնետ կամ տպագրական արագ միջոցներ։ Ամեն բան արվում էր մեծ ջանքով և ժամանակատար աշխատանքով։

Եթե պատկերացնենք, որ Մխիթար Սեբաստացին ապրում է մեր օրերում, նա հաստատ կստեղծեր նաև թվային բառարաններ։ Օրինակ՝ «Թվային աշխարհի հայերեն բառարան», որտեղ կընդգրկվեին համացանցի, սոցցանցերի և տեխնոլոգիաների բառերը։ Նա նաև կարող էր ստեղծել «Մեր սերնդի բառարանը», որտեղ կլինեին երիտասարդների կողմից օգտագործվող նոր բառեր և արտահայտություններ։ Այդ բառարանները կլինեին առցանց, բջջային հավելվածի տեսքով և անընդհատ կթարմացվեին։

Այսօր մեր լեզվում շատ են օգտագործվում նոր բառեր՝ լայքել, սթորիզ, բլոգեր, օնլայն, չելենջ, վիրալ և այլն։ Եթե ես լինեի Մխիթար Սեբաստացու օգնականը, կփորձեի այս բառերին տալ ճիշտ հայերեն ձև կամ բացատրություն, որպեսզի մարդիկ ոչ միայն օգտագործեն, այլև հասկանան դրանց իմաստը։

Բառարան կազմելը հեշտ աշխատանք չէ։ Նախ հավաքվում են բառերը, հետո դասավորվում այբբենական կարգով։ Յուրաքանչյուր բառի համար գրվում է բացատրություն, նշվում է խոսքի մասը, երբեմն նաև օրինակ նախադասություն։ Կան տարբեր տեսակի բառարաններ՝ բացատրական, թարգմանական, ուղղագրական, տերմինաբանական, հոմանիշների և հականիշների բառարաններ։ Յուրաքանչյուրը ունի իր նշանակությունը։

Ես նույնպես փորձեցի ստեղծել փոքրիկ բառարան՝ «Մեր սերնդի բառարանը»։

Լայքել — հավանել սոցիալական ցանցում
Սքրոլ անել — էջը շարժել վեր կամ վար
Օնլայն — համացանցի միջոցով
Չելենջ — առաջադրանք կամ մարտահրավեր
Վիրալ — արագ տարածվող

Այս աշխատանքը ինձ ցույց տվեց, որ լեզուն միշտ զարգանում է։ Կարևոր է ոչ միայն օգտագործել նոր բառեր, այլև հասկանալ դրանց իմաստը և հնարավորության դեպքում պահպանել հայերենը։

Խաղ նոր բառեր սովորելու համար

«Գտիր զույգդ»

Յուրաքանչյուր մասնակցի տրվում է քարտ։ Մեկ քարտի վրա գրված է բառը, մյուսի վրա՝ դրա բացատրությունը։ Բոլորը շարժվում են դասարանում և փորձում գտնել իրենց «զույգին»։ Երբ բառը և բացատրությունը հանդիպում են, նրանք միասին բարձրաձայն կարդում են այն։

Այս խաղը հետաքրքիր և ակտիվ ձևով օգնում է սովորել նոր բառեր և լավ հիշել դրանց իմաստը։