Փետրվար ամսվա կենսաբանության ամփոփում

1. Ներկայացնել օրգանիզմների անհատական զարգացումը՝ սաղմնային և հետսաղմնային զարգացում:
Օրգանիզմների անհատական զարգացումը կոչվում է օնտոգենեզ։ Այն սկսվում է բեղմնավորումից և ավարտվում օրգանիզմի մահվամբ։ Օնտոգենեզը բաժանվում է սաղմնային և հետսաղմնային զարգացման։ Սաղմնային զարգացումը տեղի է ունենում բեղմնավորումից մինչև ծնունդ կամ ձվից դուրս գալը։ Այդ ընթացքում բջիջները բաժանվում են, ձևավորվում են հյուսվածքներն ու օրգանները, և սաղմը աճում է։ Հետսաղմնային զարգացումը սկսվում է ծնունդից հետո․ օրգանիզմը աճում է, հասունանում, բազմանում, ապա ծերանում։

2. Լրիվ և թերի կերպարանափոխություն:
Կերպարանափոխությունը զարգացման ընթացքում օրգանիզմի կառուցվածքի և արտաքին տեսքի փոփոխությունն է։ Լրիվ կերպարանափոխության դեպքում զարգացումը ընթանում է չորս փուլով՝ ձու, թրթուր, հարսնյակ, հասուն ձև։ Թրթուրը լիովին տարբերվում է հասուն միջատից։ Թերի կերպարանափոխության դեպքում զարգացումը ունի երեք փուլ՝ ձու, նիմֆա, հասուն միջատ։ Նիմֆան նման է հասուն ձևին, բայց փոքր է և սեռապես չհասունացած։

3. Գենետիկայի հիմնական հասկացությունները, ժառանգականություն և փոփոխականություն:
Գենետիկան ուսումնասիրում է ժառանգականությունն ու փոփոխականությունը։ Ժառանգականությունը ծնողներից սերունդներին հատկանիշների փոխանցումն է, իսկ փոփոխականությունը օրգանիզմների միջև տարբերությունների առաջացումն է։ Գենը ժառանգականության հիմնական միավորն է։ Ալելները նույն գենի տարբեր ձևերն են։ Գենոտիպը օրգանիզմի գեների ամբողջությունն է, իսկ ֆենոտիպը՝ դրանց արտաքին դրսևորումը։ Դոմինանտ գենը գերիշխող է, ռեցեսիվը՝ ճնշվող։

4. Օրգանիզմենրի բազմացման եղանակները՝ սեռական և անսեռ, դրանց կենսաբանական նշանակությունը:
Անսեռ բազմացման դեպքում մասնակցում է մեկ օրգանիզմ, և սերունդները գրեթե նույնական են ծնողին։ Այն ապահովում է արագ բազմացում և տարածում։ Սեռական բազմացման դեպքում մասնակցում են երկու ծնողներ, միանում են գամետները և առաջանում է նոր օրգանիզմ։ Սեռական բազմացումը ապահովում է ժառանգական բազմազանություն, ինչը մեծացնում է հարմարվողականությունը։

5. Մենդելի 1-ին օրենք:
Առաջին օրենքը ձևակերպել է Գրեգոր Մենդել-ը։ Այն ասում է, որ մաքուր գծի երկու տարբեր հատկանիշ ունեցող օրգանիզմների խաչասերման դեպքում առաջին սերունդը լինում է միակերպ և դրսևորում է միայն դոմինանտ հատկանիշը։

6. Մենդելի 2-րդ օրենք:
Երկրորդ օրենքի համաձայն՝ երկրորդ սերնդում հատկանիշները բաժանվում են որոշակի հարաբերությամբ։ Հիբրիդների խաչասերման դեպքում ֆենոտիպային հարաբերությունը կազմում է 3 դոմինանտ և 1 ռեցեսիվ, ինչը ցույց է տալիս, որ ժառանգական գործոնները սերունդներում բաժանվում են և չեն խառնվում։

7. Ներկայացնել փետրվար ամսվա բլոգային աշխատանքները:

Գենետիկայի հիմնական հասկացությունները, ժառանգականություն և փոփոխականություն

Օրգանիզմների բազմացման եղանակները՝ սեռական և անսեռ, դրանց կենսաբանական նշանակությունը, առավելությունները և թերությունները։