Անհատական նախագծի վերնագիր՝ Կարդում ենք ժամանակակից գրականություն
Ժամանակահատված՝ Շուրջտարվա
Նպատակ՝ Ժամանակակից գրականության ընթերցման միջոցով զարգացնել ընթերցողական հմտությունները, ընդլայնել բառապաշարը, ծանոթանալ տարբեր հեղինակների ստեղծագործություններին և ձևավորել վերլուծական մտածողություն։
Քամու հետապնդողը — Խալեդ Հոսեյնի
Բովանդակություն
Գիրքը պատմում է Ամիրի և Հասանի մանկության ընկերության մասին։ Նրանք մեծանում են միասին, սակայն հասարակական տարբեր դիրքերում են։ Մի օր տեղի ունեցած դեպքը փոխում է նրանց հարաբերությունները և դառնում է Ամիրի կյանքի մեծագույն ցավը։ Տարիներ անց նա հնարավորություն է ստանում քավելու իր մեղքը։
Թեմաներ
Ստեղծագործության գլխավոր թեման մեղքի զգացումն է և դրա հաղթահարումը։ Գիրքը ցույց է տալիս, որ անցյալը հնարավոր չէ փոխել, բայց հնարավոր է փոխել ապագան։ Ներկայացվում են նաև ընկերության, դավաճանության, ներման և պատասխանատվության գաղափարները։
Կերպարներ
Ամիրը ներկայացվում է որպես թույլ, բայց ներքուստ պայքարող մարդ։ Հասանը հավատարմության և բարության խորհրդանիշ է։ Նրանց հակադրությունը օգնում է հասկանալ բարոյական ընտրության կարևորությունը։
Գաղափար
Հեղինակը փոխանցում է մի կարևոր միտք՝ մարդը կարող է սխալվել, բայց եթե ունի խիզախություն ընդունելու իր մեղքը, կարող է փոխվել և դառնալ ավելի լավը։
Մանվելյան Շուշան 