Զարգացումը մարդկային հասարակության առաջընթացի կարևորագույն պայմաններից մեկն է։ Յուրաքանչյուր ժամանակաշրջանում ժողովուրդների հաջողությունը կախված է եղել կրթության մակարդակից։ Կրթությունը ոչ միայն գիտելիք է փոխանցում, այլև ձևավորում է մտածողություն, արժեքներ և աշխարհայացք։
Կրթության զարգացումը միշտ կարևոր է եղել, քանի որ այն հանդիսանում է հասարակության առաջընթացի և հզորացման գլխավոր հիմքը։
Տարբեր ժամանակաշրջաններում կրթության դերը տարբեր ձևերով է դրսևորվել։ Հին ժամանակներում այն հասանելի էր միայն սահմանափակ խավերին և հաճախ կապված էր եկեղեցու հետ։ Սակայն ժամանակի ընթացքում կրթությունը դարձավ ավելի լայն տարածում ունեցող երևույթ և սկսեց ծառայել հասարակության զարգացմանը։
Խորհրդային Հայաստանում կրթությունը առանձնահատուկ կարևորություն ստացավ։ Ժողովրդի մեծ մասը անգրագետ էր, հատկապես գյուղերում։ Իշխանությունները հասկանում էին, որ առանց կրթված մարդկանց հնարավոր չէ կառուցել նոր հասարակություն։ Այդ պատճառով իրականացվեց անգրագիտության վերացման լայնածավալ քաղաքականություն։ Արդյունքում շատ կարճ ժամանակում գրագիտության մակարդակը կտրուկ բարձրացավ, ստեղծվեց դպրոցների լայն ցանց, և կրթությունը դարձավ հասանելի բոլորի համար։ Սա մեծ առաջընթաց էր հասարակության զարգացման ճանապարհին։
Կրթության կարևորությունը երևում է նաև գեղարվեստական գրականության մեջ։ Խենթը վեպի հատվածում ներկայացված դպրոցը տարբերվում է սովորականից։ Այնտեղ երեխաները սովորում էին ոչ միայն գրքերով, այլև բնության մեջ աշխատելով, ձեռք էին բերում գործնական հմտություններ, զարգացնում իրենց ֆիզիկական կարողությունները։ Այսպիսի կրթությունը ձևավորում էր ուժեղ, աշխատասեր և հայրենասեր մարդ։ Վարդանը հիանում է այդ դպրոցով և հասկանում, որ հենց նման կրթությունն է կարող պատրաստել զարգացած հասարակություն։
Այսպիսով, կրթությունը միշտ եղել է և մնում է հասարակության զարգացման գլխավոր ուժերից մեկը։ Անկախ ժամանակաշրջանից՝ այն նպաստում է մարդու և ամբողջ ժողովրդի առաջընթացին։ Զարգացած կրթական համակարգ ունեցող հասարակությունը կարող է հաղթահարել դժվարությունները և կառուցել ավելի լավ ապագա։
Մանվելյան Շուշան 